ҚазБСҚА Студенттер үйі тұрғындарының құқықтары мен атқаратын міндеттері (студенттік жатақхана)

1. Студенттер үйінің тұрғындарының құқықтары:

1.1. Тұрмыстық бөлме, душ, оқу залы және өзге де жалпыға ортақ бөлмелерді қолдануға;
1.2. Қолдануға келмейтін, істен шыққан заттар, жиһаз, көрпе-жастық және өзге жатақхана бұйымдары мен мүліктерін, сондай-ақ мәдени-тұрмыстық қызмет көрсетуде жаңартуды талап етуге;
1.3. Жатақхананың Студенттік Кеңесін құрып, төраға (төрайым) сайлауға және сайлануға, жатақхана тұрмысына байланысты мәселелерді талқылауға, өзінің ұсынысын жасауға құқылы.

2. Студент Үйінде тұрушының міндеттері:

2.1. Ішкі тәртіпті қатаң сақтауға;
2.2. Жатын және ортақ тұрмыстық бөлмлерде тазалық сақтауға;
2.3. Мекеменің мүлік-бұйымдарын сақтауға және бүлдірмеуге;
2.4. Электрқуаты мен суды үнемді пайдалануға;
2.5. Ортақ тұрмыстық бөлмелерде кезекшілік атқаруға;
2.6.Қазақстан Республикасы Заңына сәйкес бүлінген мүлік-бұйымның құынын төлеуге;
2.7.Өрт қауіпсіздігін сақтау ережесіне сәйкес электр және өзге де бұйымдарды қолданғанда жатақхана әкімшілігінің рұқсатынсыз қосымша электржылытқыштарды қолданбауға, ережені сақтауға;
2.8.Жатақханадан шығарда (көшкенде) көрпе-жастық, жатақхана мүлік-бұйымдарын уақытылы тапсыруға міндетті.

3. Жатақхана тұрғындарына тыйым салынады:

3.1. Рұқсатсыз бір бөлмеден екіншісіне ауысуға, бір бөлмеден екіншісіне мүлік көшіруге;,br/> 3.2. Рұқсатсыз электркөзін ауыстырып, немесе жөндеуге;
3.3. Рұқсатсыз өрт тудыратын қауіпті заттарды қолдануға;
3.4. Жатақханада мас күйінде жүруге, темекі шегуге, ішімдіктер қолдануға және сақтауға қатаң тыйым салынады;
3.5. Жатақхана тұрғындары тек рұқсат құжаты арқылы сағат кешкі 23.00-ге дейін жіберіледі. Өзге адамдар жеке төлқұжаты арқылы, қысқы уақытта кешкі 20.00-ге дейін, ал жазғы уақытта кешкі 21.00-ге дейін ғана жіберіледі.

4. Жатақханада тұру ережесін бұзған тұрғындардың жауапқа тартылуы:

4.1. Ректорат жатақхана тұрғындарының ортақ ішкі ережеге бағынуларын және сақтауларын талап етуге құқылы;
4.2. Материалдық нұқсан келтірілген жағдайда бүлінген мүліктің құны, уақыты және қайтару түрі көрсетілген акт толтырылып тіркеледі;
4.3.«Сутденттер Үйі тұрғындарының Ережсіне» қайшы тәртіп бұзушыларға төмендегідей жаза қолданылады:

• тәртіп бұзғаны үшін жатақханадан шығарылады
• еңбек жазасы (тазалау, жатақхана едендерін жуу, мжатақхана ауласын тазалау, жинау) қолданылады.

Жаңалықтар