2009-11-18

Республика күні мерекесіне байланысты конференция

2009 жылдың 26 қазанында ФСТИМ-09-2, ФСТИМ-09-3 топтарында Республика күніне арналған «Қазақстан – біздің мақтанышымыз» тақырыбына конференция өтті.

Республика күні Қазақстанның басты мемлекеттік мерекелерінің бірі. 1990 жылдың 25 қазанында тәуелсіз республика тарихында алғашқы беттер ашылды. Жоғары Кеңес депутаттары дербестіктің бастауы болған мемлекеттің егемендігі туралы Декларациясына Қазақ ССР болған кезде-ақ, қол қойған еді.

Исклов Арман деген студент былай деді: «Еліміздің азаматтары үшін бұл атаулы күн. Бұл жерде Қазақстан 1990ж. 25 қазанында, яғни он сегіз жыл бұрын өзін Республика ретінде ғана жарияламай, өзінің жеке көзқарасы, жеке салттары, дәстүрлері бар екендігін, сондай-ақ өзінің болашақтағы дамуы бар екендігін баяндады. Бастысы – кейінгі жылдары егемендік пен тәуелсіздікке құқығы бар екендігін дәлелдеді». Студенттер еліміздің өткені, бүгінгісі және болашағы туралы біраз сөз етті. Болашаққа мақсат та қойған болар. Осылайша әр студент Қазақ мемлекетінің даму тарихы бойынша білімінің жоғары екендігін және Отанына деген сүйіспеншілігін көрсетті.

<< жаңалықтар тізіміне