2009-11-16

Халықаралық Білім беру Корпорациясы Батыс - Қазақстан Компусының ашылуы

2009 ж 26 қыркүйекте Атырау қаласында Халықаралық Білім беру Корпорациясы ҚАУ-ҚазБСҚА Батыс Қазақстан Кампусының жаңа оқу ғимаратының ашылуы болды.

Ғимарат А.А.Құсайыновтың басшылығымен бір топ ҚазБСҚА сәулетшілерімен жобаланған. Көлемі 8500 шаршы метрден асатын 3 қабатты сәулет ғимараты өзінің түпнұсқалық ашық, кең, жарықтығымен есте қаларлық. Ғимарат тек Батыс аймақтағы оқушылардың білім алуына ғана емес, сонымен бірге Қазақстанның түкпір-түкпірінен халықаралық жеткілікті деңгейде білім алам деушілердің бәріне есігі ашық.

ҚАУ-дың Батыс-Қазақстандағы филиалы 2004 жылдан бері әрекет етуде, 2009 ж қыркүйегіне дейін тек мектептебі ғана жұмыс істеп келді. Мектеп үш деңгейде білім береді: бастауыш, негізгі және орта білім беру кешені. Мектеп директоры - Кенжина Сәуле Жұмалиқызы.

2009 жылы тұңғыш рет техникалық және кәсіби білім беру мамандықтарына лицензия алғаннан кейін колледжде тоғыз мамандық бойынша алғашқы қабылдау жүргізілді: 04020004 “Дизайн” (сала бойынша); 1401000 “Ғимараттар мен имараттар құрылысы мен пайдалану”; 1514000 “Экология және табиғи ресурстарды тиімді пайдалану” (сала бойынша) ; 1306000 “Радиоэлектроника және байланыс”; 1309000 “Оптикалық және электронды құрал-жабдықтар”; 0512000 “Аударма ісі”; 0518000 “Есеп және аудит”; 0519000 “Экономика” ; 0516000 “Қаржы”.

ХБК БҚК Жаңа оқу ғимаратының ашылуына Атырау қаласы колледжі мен мектептерінің директорлары, мектептер мен колледждер оқушыларының ата-аналары қатысты. Облыс Әкімімен кездесу болды және БҚК оқу корпусының кабинеттеріне серуен жасалды.
Колледждің ашылуына және КАУ БҚФ кеңеюіне байланысты Халықаралық білім беру корпорациясы құрамына енді әрі ХБК Батыс- Қазақстан Кампусы деп қайта аталды. Директоры - Кенжина Жаңылсын Жұмалиевна.

Бас оқу ғимаратын ашуға дайындық барысында ХБК БҚК басшылығына әдістемелік- ұйымдастыруға көмектесу мақсатында Атырау қаласына ҚазБСҚА және ҚАУ АБК колледждерінен ҚАУ және Қаз БСҚА колледждерінің директорлары – Г.А.Айгараева мен Г.А. Новикова жіберілді.

Ашылудан кейін ХБК БҚК осыған қатысты Атырау қаласының БАҚ-мен бірге баспасөз-конференциясы өтті. Атырау қаласының көптеген газеттерінде бұл оқиға жарық көрді. Жергілікті телеарналардан компустың ашылуы туралы хабарлар берілді.

Мерекелік көңіл-күй мен ғимараттың ішкі және сыртқы безендірілуінің жинақтылығы орасан зор оқиғаға ұласты, ол тек Атырау қаласы ғана емес, сондай-ақ Республика үшін де үлкен оқиғаға айналғаны жасырын емес.

<< жаңалықтар тізіміне